لرائحه مميزه وجذابه عن تجربه

من طرف **همس القلوب** الإثنين مارس 02, 2009 6:55 am

بسم الله الرحمن الرحيم

حبيت انزل لكم طريقتي المستخدمه دائما والمميزه فيني والتي اصبحت لي عاده الآن وما اجملها من عاده

والطريقه هي ........
1
# للجسم,,,,,,,,,

بعد الاستحمااام والجسم مبلل وضع مزيل العرق من نكتار رائحته خياليه ولايسبب اسمرار ومفعوله قوي وبعد كذا تضعين بودرة الجسم من بيوتفل (( صح انها قديمه )) لاكن اكثر من رائعه وتتناسب مع جميع العطوور بعدين تتبخرين ببخور يكون (( انا افضل المعمول من الماجد)) وبعد ذالك تضعين عطرك المفضل وانصحكن اخواتي بعطر (( نارسيسو )) ولونه بينك لان الاسود الجديد مو حلو .

2#للشعر

تستخدمين شمبو مناسب لكي , ثم تضعين ماسك للشعر معطر وصحي (( عن تجربه )) خيالي
وبعد ذالك تبخرينه مع الجسم.
3#الملابس (( اليوميه و قمصان النوم))
وهي لينه بعد ماتخرجينها من المجفف تضعين في الغرفه الموجود بها الملابس
مبخره وطعا نفس الشي بخور وعطر (( واهم شي تكون الملابس رطبه منشان تحتفظ بالرائحه ))
بس انتبهي لاتحرقين ملابسك .
(( وكمان تشمل الطرحه والعبايه )) بس اهم شي تكون عباية السوق غير علشان ماخذ ذنوبكن

ملاحظه #
ارجو منكن سيداتي انو كل وحده تهتم بقمصانها النوم بنفسها مو على الشغاله (( لكثرة مصايبهن وسحرهن))

4
# ملابس الزوج # عنايه خاصه #
الملابس الرجاليه طبعا انتبهي لا تبخرينها بمعمول تفضحينه (( اكيد بعود ويكون افضل شي )) وتحصلينه عند الماجد للعطووور طبعآ تضعين البخور في كبت الملابس وتغرقين ملابسه بطيبه الخاص ولايكون طيب عود لانه يكون ثقيل ويطبع على الملابس حتى رائحته قديمه. واكرر ** انتبهي لا تحرقين الملابس **
واكيد لازم تضيفين لمساتك في كبت الزوج يعني ترتبين ملابسه الداخليه بشكل مرتب وانيق وتضعين سله خاصه لملابس الاستحمام بحيث اذا بغى يستحم بس تخرجين السله وتضعينها في الحماام ( تكرمون)

واتمنى تطبيق جميع الخطوات لانها بصراحه اكثر من رائعه وسهله لا تقولين يبيله وقت اهم شي النظافه والريحه الحلوووه (( تصدقون خواتي,, حتى اذا زرت اهل زوجي او اهلي وصديقاتي يميزوني بريحتي وحتى المكان الي تمرين فيه ,,,,,,,,,,,,,,,,,,,,,,,,,,,,,وشلوووووووون اذا كنتي نايمه بجنب زوجك بهاذي الريحه ؟
ادعووولي بالتوفيق